مجرد توضيح للناس

السلام عليكم ورحمة الله وبركاته
اولا اتمنى ان الناس تفكر فى كلامى شويه
طبعا انا نشوان ايمن صاحبكم قبل كل حاجه, واعتقد ان النقد زمان لما كنت مشرف كان بيتقبل عادى منى فاتمنى ان مفيش حاجع تتغير من ده , يعنى انا لو نقدت حد بكون عايزه احسن زى بالظبط لو حد نقدنى بكون عارف ان ده لمصلحتى وبقدر ده
نبدأ بشويه ملاحظات:
طبعا المنتدى بتاعنا كلنا ويهمنا انه ينجح وطبعا علشان ينجح لازم نساعد بعض , بمعنى انك لو شايف ان فى حد عمل حاجه غلط او كان غير موفق فى اختياره ايا كان السبب وايا كانت رتبته ورتبتك فمن حقك انك تقول ده وطبعا الكلام ليه مكانه وهو قسم الشكاوى والاقتراحات.
واتمنى ان يكون عرض النقد مناسب بدون هجوم ويكون الرد على النقد بطريقه غير تحفزيه وافتكروا دايما جل من لايسهو
بالنسبه للردود:
اولا الرد بيعبر عن اللى كاتبه حتى فى الهزار والمفروض تقدير الاعضاء بييجى على حسب مشاركتهم الفعاله والا الموضوع مالوش لازمه يعنى ياريت حضرتك قبل ردك فكر هو ليه لازمه ولا لأ؟ والهزار ليه لازمه بس مش فى كل وقت ولا فى اى موضوع
اتمنى ان الردود اللى مالهاش لازمه تقل وبحلم طبعا انها متكونش موجوده اصلا.
اعتقد ان فريق الاداره من مشرفين ومديرين كلهم جروب واحد يعنى كل واحد عنده اميل التانى واتمنى انك قبل ما تاخد اى قرار ولو تعديل مساهمه لاى حد من فريق الاداره , علشان محدش يعمل حاجه تزعل حد منه لاننا اصحاب وزمايل قبل كل حاجه.
ولو معرفتش توصله ع الميل ممكن تعمل اللى انت عايزه وتبعتله رساله خاصه تقوله اللى انت عملته وتشرحله اسبابك علشان لو معاك حق يبقى ياخد باله وميكررش غلطه.
الموضوعات مينفعش نقفل موضوع من غير سبب ولو فى سبب يبقى لازم يتم تنبيه كاتب الموضوع سواء برد او برساله خاصه.
وكمان المواضيع المثبته المفروض انها تكون مهمه علشان تتثبت ودى متروكه لتقدير كل مشرف او مدير , بس ناخد بالنا من المواضيع اللى بنثبتها.
وبالنسبه للردود
لو حضرتك شايف ان فى مساهمه محتاجه تعديل اوك بس لازم تنبه كاتبها برساله خاصه على الاقل علشان لو اتكرر الغلط ..............
واتمنى الضغط يبقى مناسب على جميع الاقسام وبلاش قسم يبقى شغال على حساب الباقى وخصوصا الالعاب
واتمنى لو اى حد عنده اى تعليق
انا مستنيه
وشكرا ليكم يا شباب

جميل جدا يا ناتشو الكلام ده بس اظن اننا لازم نهزر والحقيقه انى لما بدخل اى منتدى بدخل افك عن نفسى من الكليه الخنيقه دى ودكاترتها ومعيدنها وشايف اننا لازم نمارس طبيعتنا حتى على المنتدى وخصوصا ان كلنا عارفين بعض

اه يا بسام كلامك صح
بس بحدود مش يبقى كل الردود او معظمها ملهاش لازمه وهزار مش حلو
واى كلام بيتكتب وخلاص
ولا ايه؟؟

طبعا يعنى انا شايف ان المرح مطلوب بس مش دايما بس مطلوب وده رائيى

المرح مطلوب لكن بتركيز خفيف
وكلام تمام يا نشوان