مؤتمر سويسرا لثبيت البنات

في مؤتمر في سويسرا لبحث كيفية تثبيت
البنات تقدمت ببحث في تأثير حركة العين
الشمال عند الولد على عملية التثبيت و
توصلنا في البحث إن البنت أول حاجة
بتلاحظها في الولد حركة النني و عدد شعرات
الرمش لذلك لابد أن تحرص على تدريب عضلة
النني من أربع إلى خمس ساعات يومياً مع
إتباع نظام غذائي محدد علشان تعرف تثبت ..
البنـــــــــــات

( مش عايز أتوهكم و أدخل فى متهات ولذلك
هشرحلكم بالبلدي)

يعني أول ما تشوف البت تروح يا معلم
مشغل العضلة الشمال للنني و تغمز غمزة 2
قدم و نص بزاوية ألفا 27 درجة و تروح
قايلّها ( لوسمحتي ممكن دقيقتين من وقتك؟)
أول ما تسألها السؤال ده-:

اللي هيحصل كالأتي

الإحتمال الأول

انها تقول ( نعم ) و ده
بنسبة 65% و هيترتب عليه اللي هنقوله بعدين
....

الإحتمال الثاني



انها طبعا تقول ( لا ) و
ده بنسبة 80 % و محدش يسألنتي إزاي و
هيترتب عليه اللي هنقوله بعدين برضه... و
في طبعاً آخر إحتمال بنسبة 100% إن هي
هتبصلك بقرف و مدام بصتلك بقرف يبقى انت
مفهمتش موضوع العضلة...

ونرجع للإحتمال الأول

انها تقول ( نعم ) ترد انت تقول ( نعم الله
عليكي) هتقولك ( خير) قولها ( خير ان شاء
الله) و تشغل العضلة بس اتوصى و إتّك
عليها شوية هتقولك ( مال عينك ؟) قولها
( خناقة) و بكده تصعب عليها تروح هيا مكلماك
و تظبط يا معلم وهتعيش بس ابقى عرفني
على بنت خالتها .....

الإحتمال الثاني



انها تقول ( لا ) في الحالة
دي بقى عايزة تتكلم بس هي بتتقل و مدام
تقلت يبقى خرشمت و موضوع العضلة صعب في
الحالة دي ، إذن مفيش غير موضوع أنا كنت
عرضته في مؤتمر تاني في السنغال الشرقية
لأن الطريقة دي أثبتت فعالية في تثبيت
البنات السود و اللي بيتقلوا اللي هي
( طريقة 325 جنايات) تقولها بستهزاء و انت
بتبتسم إبتسامة ساخرة ( ايه التقل ده انتي
حاطة في جيوبك ظلط ؟ ) طبعاً هي ممكن
يغما عليها من دمك الخفيف يا خفيف ، فا
هتروح انت مدي ميزد كول للإسعاف بالموبيل
بتاعك ، هما طبعاً مش هيفهموا حاجة من
الميزد ده لكن هي هتفوق و تروح مرمية في
حضنك بمجرد انها شافت الموبيل معاك ويسلام
لو بكاميرا

و بكده انت بدأت تحط رجلك على طريق
التثبيت بس اغسلها الأول
و خطي برجلك اليمين وابقى قابلني
لو إتعرفت على أي بنت

منقووووووووووول

ههههههههههههههههه
لا يا عم انا ماليش خبرات فى المواضيع ومحبش حد يفتح عينيا عليها

ايه التتويه ده ؟؟؟؟؟

احنا اسفين يا نشوان اننا خدشنا حياءك
بس يا خوفى يبقه فىاحتمال رابع وتنسل جزمتها على عينى تضيعهالى خالص

شكرا يا اتش على الطرق القيمه
مش عارف من غيرك كنا هنعمل ايه
ههههههههههههههه

طيب فين النتيجة بتاعة الاحتمال التالت اللى هو 100%
وليه يا ابنى ده كله انت تعالى بس وانا هظبطك
هههههههههههههه او نروح للسيسى هو اللى بيعاكس فينا

جامدة يا اتش وانا بدأت ادرب عضلة الننى
وعايزك تشرف على تدريب وان شاء الله ناخد الكاس

جامد يا أتش
وانشاء الله يخلص معسكر الننى على خير ... ونكسب الماتش اللى جاى


وبالنسبه ليك يا نشوان يريت تعدل ردك .... المصداقيه رقم واحد عندنا

ياجماعة أنا تحت أمركم دايما لو احتجتو حاجة أنا موجود
وبصراحة يابو صلاح أنا مش فاضي روح لعلي وهو هيظبطك خلاص علمتهالو
ههههههههههههههههههه

ياعلى نمش لازم تعرف الناس ان السيسى بيعاكس وكده ده برضوا غايب رغم انه عيب يعمل كده

على راى ممدوح احنا المصداقية اهم حاجة عندنا

يا جدعان ما يروح يخطبها علطول
احنا لسة هنقعد نعاكس

على رايك يا علاء والله