بنات جابت لنفسها الكلام

" هو فى رجاله اصلآ "


.. بسم الله ما شاء الله الكلمه ده بقت موضه اليومين دول عند كل البنات

كل ما تسأل واحده يا حلوه متجوزتيش ليه وليه ما وافقتيش على

العريس اللى اتقدملك . تقولك ما ارتحتش بعد ما تطلع فيه القطط الفطسانه

ترزع جملة

" هو فى رجاله اصلآ "




وسعوا شويه كده عزيزاتى الانسات مصر مليانه رجاله ايوه والبنات اقل من الرجاله ... مصر مفيهاش بنات واللى مش مصدق يجى ورايا للسطور اللى تحت

بتعرفى تطبخى يا حلوه ؟..

اعتقد ان معظم الشباب المتجوز حديثآ بيعانى من المشكله دى لان الست هانم

ملهاش علاقه بالمطبخ لانها كانت مشغوله فى السنين اللى فاتت من عمرها

بال make up والمرايه وسماع عمرو دياب لتكون النتيجه بعد الجواز مصيبة لما تدخل المطبخ

رز شايط .. ومكرونه محروقه .. وفرخه مغسوله بالرابسو

ياريت المسأله تنتهى عن كده .. لأ .. دا فيه غرامات ماديه مش بس الخساير اللى حصلت فى المطبخ

لكن كمان فلوس اكل التيك اواى اللى هايجى من بره والميزانيه تضرب

يعنى اتجوزتك يا حبيبى علشان يا عينى تخرب بيتك , واوعوا تفتكروا ان الضعف العام

اللى بيعانى منه الطفل المصرى بسبب الفقر بس , صدقونى السبب الرئيسى

ان الامهات الشابات مبيعرفوش يعملوا اكله عدله لا للراجل ولا للبيبى

طيب ..
تعرفى يا حلوه تعملى ميزانيه

الحق يتقال ان معظم بنات اليومين دول شطار فى عمل ميزانيه لل make up

وسى ديهات عمرو دياب واليسا وتامر حسنى والبرفانات وممكن تكون رومانسيه قوى

فتربيلها فى البيت قطه .. والقطه عايزه اكل او سلحفاه والسلحفاه سخنت عايزه دكتور

وتلاقيها مهتمه بالورد .. يعنى يعيش الورد والسلحفاه والقطه ويموت الراجل من الجوع

" انت مش مهتم بيه " شعار خراب البيت على ايد الاموره الشابه يبدأ من هنا

والمصيبة بقى " انت ما بتحبنيش زى الاول " ..

ومن هذه الجمل الشاب المسكين يحاول ان يثبت للهانم انه مهتم بيها وانه بيحبها

سينما يالا .. مصيف يادوب نلحق .. الشهر اللى جاى يومين فى شرم وبسبب الاثبات ده

غالبآ ما بيتفصل من شغله المسكين .. ولو ما حاولش يرضى الحلوه تلاقيها رافعه عليه

قضية خلع , الله يرحمك ياست امينه يا اميره يابنت الامرا ويرحم ايامك اللى كنتى بترضى

فيها بأى حاجه وعمرك ما قولتى مش مهتم بيه .

ثم فين البنت النهارده اللى تقدر تستحمل ظروف الشاب ؟.. وتقدر تحافظ على اسرار الراجل

من غير ماتنشرها ويلاقيها تانى يوم عند صاحبتها مديحه وانتيمتها رشا وزميلتها نهله

ثم ايه حكاية " استقلالى ومشاعرى .. واحساسى .. وشخصيتى "

فين ايام امهاتنا وجداتنا اللى كانت الواحده منهم ستر وغطا على راجلها ..

تعرف تحافظ على بيتها وتربى ولادها .. وتخفف على جوزها مشاكل شغله وتوفر له

الراحه والهدوء وتستناه بالميه السخنه والملح ... مش عايزين ميه سخنه بس عايزين زوجه عدله

بذمتكم .. الشاب مننا يتجوز مين ؟.. ويروح ليه لواحده تحرق دمه .. شبكه وشقه

والفستان بتاعى .. اصل انا عايزه فرحى يتحكى بيه

دا لو دفع فيها 50 جنيه وهى بالمواصفات اللى فاتت دى تبقى واقفه عليه بخساره

اعزائى الانسات حلال فيكم العنوسه .. ومبروك عليكم اللقب وزيادة العدد

هههههههههههههههههههههههههه
جامدة ملة يا علاء والله

والله موضوع جامد ومهم جداً يا لقلق

والله كلام جميل بس اكيد مش كل البنات كده

ربنا يستر معانا

لازم تكون حيادى علشان يكون فى مصداقيه
انت كده عملت بالظبط زى اللى انت قولت عليها فى اول الكلام بس انت قولت البلد معدش فيها ستات
واعتقد انك دلوقتى غلطان زيها لانكم انتو الاتنين عممتو الحكم
وارجو محدش يفهمنى غلط

هو الكلام ده ينطبق على فئة معينة من الانسات مش على كله والحمد لله ان معظم الستات بتخاف على بيوتها وبتحافظ عليها

دى وجه نظرى فى الموضوع ده

ماشي ياعلاء معاك بس أكيد فيه برضه البنات العاقلة المحترمة اللي بتقدر ودول برضه مش قليلين بس الواحد ماينخدعش بالمظاهر بس

دول فين البنات دول اللي بيربوا قطط وسلاحف؟؟؟؟!

اكيد فيه كتير منهم فالفيوم ده عندنا شباب بيجى من اللى بيروحوا وييجوا بيمشوا وجارين قدامهم كلاب مش هتلاقى بنات عندها قطط وسلاحف ده فى ابتدائى كنت عايز اجيب سلحفه لان كان فيه بنت بتجيب معاها سلحفه

يا حبيب ماما يا بسام
انت كلت النايتى ولاعبت السلحفة ولا لسة يا توتو

لا يابنى الكلام ده فى ابتدائى دلوقتى بقيت نفسى استرى الجولدن ايج ولا ايه رايك

يا جدعان انتو فهمتونى غلط انا حاطط الموضوع دة فى قسم الضحك يعنى الموضوع دة هزار
وطبعا فى بنات كتير محترمة بالذات فى الفيوم