جاوب على سوال واحد كفايه اوووووووووووى

ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!

طيب لو كان الحب اعمى ..ليه واكلين دماغنا بالحب من اول نظرة؟

لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

الأخرس بيكلم نفسه إزاى؟

ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!

ليه لو واحد قال قدامي كلمة "الأقصر" بتيجي في دماغي على طول صورة "الآثار"؟!

مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!

ليه الناس مابتقولش (الرياضة فايز ومهزوم) غير لمّا تتغلب؟

ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟

ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!

ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!

ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! )))))))))))))

ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".

إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!

ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!

هل حصل فعلا فى يوم من الايام أن فيه واحد (ضرب عصفورين بحجر)؟

ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!

ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!

بيقولوا (لكل قاعدة استثناء)..طيب ايه الأستثناء بتاع القاعدة دى؟

ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)!

ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!

طيب ليه المذيعة بتقول أعزائي أفراد الأسرة.. وهى ما تعرفش حد فينا؟!

ليه الشخص اللي يسألك "الساعة كام" لازم يرفع لك دراعه الشمال

انا معرفتش اجاوب بس ياريت تجاوب انت

ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".
اقولك انا
عشان الراجل اللى كتب الاغنية كتبها فى الصيف مش فى الشتاء
هههه هههه هههه هههه ههه ههه ههه
ضحكات شريرة متقطعة

بيقولوا (لكل قاعدة استثناء)..طيب ايه الأستثناء بتاع القاعدة دى؟

ان انت تنفذ القاعدة

ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!

بتقول للى ماشفهوش قبل كده

ليه الشخص اللي يسألك "الساعة كام" لازم يرفع لك دراعه الشمال

علشان ممكن تكون مبتسمعش فاتفهم بالاشاره

ليه الناس مابتقولش (الرياضة فايز ومهزوم) غير لمّا تتغلب؟

علشان الفايز بيقول هاردلك للفريق التانى

موضوع جميل يا علاء

علاء انت كده تقدر تستأذن

استاذن
يعنى اقعد فى الصالون
والله عليك يا بسام اجاباتك كلها خنيقة

علاء الدين كتب:: ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
هما كانو بيتكلمو عن عين الجمل مش عين الحب

طيب لو كان الحب اعمى ..ليه واكلين دماغنا بالحب من اول نظرة؟
ماهو اول مرة بيبقى شايف وبعد كدة بتقلب ضلمة

لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
عادى هعمل عبيط وكانى ماشوفتش كارتون كابتن ماجد ولا اعرفه قبل كدة

الأخرس بيكلم نفسه إزاى؟
فى سره

ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
ما هو بيبقى صاحى بس بيستهبل

إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!
وهى دى الوحدة الوطنية

ليه لو واحد قال قدامي كلمة "الأقصر" بتيجي في دماغي على طول صورة "الآثار"؟!
علشان مشرط حرامى الاثار من الاقصر

مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!
علشان اثار الحكيم من بورسعيد مش من الاقصر

ليه الناس مابتقولش (الرياضة فايز ومهزوم) غير لمّا تتغلب؟
بيتباركو بالكلمة دى

ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
علشان الشامبو لادموع بعد اليوم لكن العصير لا عطش بعد اليوم

ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!
اصل الراديو فيه اغنية زحمة يادنيا زحمة ... زحمة وتاهو الحبايب

ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!
غباء من الاخرين

ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!
بيقولوها مفردين علشان الحسد

ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

بيتأكد مش اكتر يمكن انا عامل تمويه

ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "برررررررد".
هيفاء براحتها ملكش فيه

إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!
لا انت المخرج حتى تلاقى نفسك بتقعد على كرسى

ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!
لو ما كلبشوهاش ممكن تمشى وتقفله اكتر لكن كدة هتفضل فى مكانها

هل حصل فعلا فى يوم من الايام أن فيه واحد (ضرب عصفورين بحجر)؟
اه ضرب عصفور وبعد كدة جرى خد الحجر وضرب واحد تانى بعد 3 سنين بس بنفس الحجر

ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!
هما دى مبنى للمجهول لعدم الاهتمام بيهم وبعدين هو بيطمن يمكن قالولو حاجة ولا لا

ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!
علشان هو الوحيد اللى ليه علاقة باللى بيندهله

بيقولوا (لكل قاعدة استثناء)..طيب ايه الأستثناء بتاع القاعدة دى؟
ان ثناء تبقى واقفة مش قاعدة

ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)!
علشان لو طلعت كدب يقوله انا ماليش دعوة هما قالو كدة

ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!
بتعمل عبيطة

طيب ليه المذيعة بتقول أعزائي أفراد الأسرة.. وهى ما تعرفش حد فينا؟!
اهو بتحاول تتعرف

ليه الشخص اللي يسألك "الساعة كام" لازم يرفع لك دراعه الشمال
وليه ما تقولش ان دراعه الشمال واجعه

عشان اكيد دراعة اليمين سليم
بس اية دة يا على جاوبت على كل الاسئلة دة غيرك ما عرفوش يجاوبوا على سؤال واحد
دةانتا كدة نجحت بتفوق

هههههههههههههه
شكرا يا لؤلؤ وده شرف كبير ليا

اولا يهمك

على ده الكنج

الكنج فى ........................
انتا عارف بقا
فاهمنى يا وديع

» تهييس جامد جدا مع واحد وجدته
» جاوب بصراحه
» واحد خاطب واحدة وهو لا طايقها ولا هى عايزة تشوف خلقتة يلا بينا نشوف السيناريو
» اسئله جريئه (جاوب عليها)
» مرة واحد جزائرى ............. هههههههه