يا طنط بخريها .. يا طنط هتتحسد

يا طـنط بخـريها .. يا طنــط هتتحــسد
ملاك ع الأرض مـاشي .. دي لازم تتحــسد


بنتــك والله يا طنـــط ... مشفتــش منـها أحلـى
دي عسل والله خـالـص ... هو أنتـي يا طنط نحـله ؟

* * * * * * * * * * * *

ممكــن ســؤال يا طنط ... بتأكلــوها إيــه؟
بتـأكلـوهــا سكــــــر ... ولا عســل بانيـه؟
ولا بتاكـل جاتـو ... راشيـن ملبـن عليــه
بنتــك يا طنط مالهــا ... حلـوه كده ليــه ؟

* * * * * * * * * * * *

سنـدريلا أكيــد ... مكنتــش زيًها
ولا حتى كيليوباترا ... تيجي حاجه جنـبها
دا كفـايه بس عينـيها ...براءتـها وسـحرها
والله يا طنط يا طنـط ... انا قلبي ارتحـلها

* * * * * * * * * * * *

القمــر ...... ياريــت ياخـد أجازه ... وتنــور هي لينـا
هنفضـل سهرانيــن ... يمــكن تحس بينــا
يارب الليل يطـول ... ميطلع نور علينا
لما بتـعدي بنتـك ... بتلف الدنيـا بينــا

* * * * * * * * * * * *

لمـا بتــعـدي يا طنــط ... الدنيـا بتبقى سكــون
كلـه بيتنــح ليها ... وبتســرق العيـــــون
دا كله كله عارضـه ... وهي بـس جـون
قوليلـي يا طنـط موافقـه ... وعليـًه أنـا المأذون

* * * * * * * * * * * *

بـدور في الوشوش ... وأنا رايـح وأنا جي
بنــتك والله يا طنـط ... مش لاقي ليها زي
لا في أي حتــه ... ولا شارع ولا حي
لا هايدي ولا سـاره ... ولا نانسـي ولا مـي

* * * * * * * * * * * *

من ساعـة ماشفتـها ... مبقتش أفتــح كتاب
جاي رايـح وراهـا ... ذهابـاً و إيـاب
كل صحبـاتها خلاص ... جالهـم إكتـئاب
يا طنـط بخريـها ... روحي اعملـيلها حجـاب

* * * * * * * * * * * *

يا لهوي ع الشفـايف ... يا خراشي ع الخـدود
شفتهــا قمت سرحـت ... وخبطت في العمـود
ميتحكيــش عليها ... دا جمال ملوش حدود
بخريـها يا طنـط ... دا الحسد موجـود

* * * * * * * * * * * *

طنط ندهت واحد ... آه دا شـكله عمـو
قاليـتله ع المــوضوع ... لقيتوا فار في دمووو
وبيقـرب منـي ... وبيشمـر في كمــو
وبينـادي يا سيـكا ... تعالى ياض يا حمو
و ناس عريـضه طويله ... من حواليًـا إتلمــو
وطيخ طاخ طوخ ... وكأنـي قتلـت امو

وبعـد الضـرب قالي : ... تحـب نبخــرهالك ... ولا خلاص يا مـمو ؟
أنا قلـت لأ خلاص .... مش لازم بخور ... أنا أسف يا عمو
بس قبل ما تخــرج ...عشــان بس خاطري .... إبقوا عليــها سمــووو

طب ما تبخرها انت و نخلص

ههههههههههههههههههههههههههههههههههههههه

تحفة جميلة جدااااااااااااااااا

thx

شكرا يا مصطفى باشا

اى خدعه

لا لا لا يا عبدو

انت خلاص عدييييييييييييييت

شكرا يا حوده

جاااااااااااااااااامده جداااااااااااا


بس الله يساعده دا حالته صعبه

هههههههههههههههههههههههههههههههههه

جامده آخر حاجه

سسسسسس أحضن

يا جماعه انا اى حاجه بنزلها بتبقى جامده
:D